Ауыл шаруашылығы Қазақстан халқының негізгі бөлігінің тіршілік әрекетінің саласы болып табылады. Бүгінгі таңда халықтың 43,1 % ауылдық жерлерде тұрады, ал ауыл шаруашылығы өндірісінің даму деңгейі негізінен өмір сүру деңгейіне ғана тәуелді емес, сонымен қатар Қазақстан Республикасы азаматтарының көпшілігінің әл-ауқаты мен денсаулығына байланысты.
Республиканың барлық өңірлерінде адамдар мен жануарлар арасында қабыну аурулары байқалады. Қабынуға қарсы әсер көрсететін ветеринарлық препараттың болмауы Қазақстанның фармацевтикалық нарығында айтарлықтай бөлігін шетелдік ветеринарлық препараттар өндірушілер алып отыр: Аргентина, Голландия, Корея, Ресей Федерациясы, Қытай, Украина, Испания, Франция, Египет, Вьетнам. Өндірушілердің толық тізімін көруге болады (сурет 1).
Олардың жалпы үлесі 22 % құрайды. Отандық өндірушілер нарығында қабынуға қарсы ветеринариялық препараттар өндірілмейді. Қабынуға қарсы ветеринариялық препараттар нарығының құрылымы (сурет 2) көрсетілгендей, жалпы көлемінің 57 % сұйық дәрілік қалыптар, 9 % ұнтақтар мен жақпа майлар, 26 % инъекцияға арналған ерітінділер құрайды.
Ерітінді З-нтақ
Иьнекцияльщ еріпгінді Жакпа май
Сурет 2 - Қабынуға қарсы ветеринариялық препараттардың құрылымы
Фармацевтика нарығы ел экономикасының маңызды секторы және оның экономикалық және әлеуметтік дамуының критерийі болып табылады.
Қазақстан Республикасының Денсаулық сақтау саласын дамытудың 2016-2020 жылдарға арналған «Денсаулық» мемлекеттік бағдарламасы мен «Мемлекет басшысының 2012 жылғы 14 желтоқсандағы «Қазақстан-2050» стратегиясы: қалыптасқан мемлекеттің жаңа саяси бағыты» атты Қазақстан халқына жолдауын іске асыру жөніндегі шаралар туралы» Қазақстан Республикасы Президентінің 2012 жылғы 18 желтоқсандағы № 449 Жарлығына сәйкес Қазақстан Республикасының
Үкіметі бекіткен қаулы Қазақстан Республикасында агроөнеркәсіптік кешенді дамыту жөніндегі «Агробизнес-2017» бағдарламасы аясында мемлекетіміздің әлеуметтік әл-ауқаты мен экономикалық өркендеуінің негізі ретінде азаматтардың денсаулығын сақтаудың тиімді және орнықты жүйесін дамытуды қамтамасыз ету барысында Республикамыздың фармацевтикалық нарығында фармацевтикалық және ветеринарлық сала бойынша отандық өндірушілердің дәрілік заттарды өндіруі дамып келеді.
Қабынуға қарсы ветеринариялық препараттар өндіруде отандық өндірушілердің үлесі барлық өндірушілердің төрттен бір бөлігін құрайды. Сондықтан жергілікті өндіріс орындарын GMP стандартының талаптары бойынша қайта жабдықтау бүгінгі күнгі өзекті мәселе.
Қазақстанда ветеринарлық препараттар дайындайтын «Паритет» ЖШС қатты дәрілік қалыптар шығаратын өндіріс орнын қайта жабдықтау қарастырылуда.
Жұмыс істеп тұрған кәсіпорындардың негізгі қуаттарының тозуын бағалау кезінде 2014 жылға қарай міндетті енгізілуі заңнамамен бекітілген тиісті өндірістік тәжірибенің талаптарына (GMP) сәйкес келтіру үшін оларды жаңғырту мүмкіндігі негіз қалаушы факторға айналды. Басқаша айтқанда, GMP стандарттарына сәйкес келмейтін цехтарды пайдалануға беру 2018 жылдың аяғында тоқтатылатын болады.
Осыған орай «Паритет» ЖШС қатты дәрілік қалыптар шығаратын өндірісін GMP стандартының талаптары бойынша қайта жабдықталуда.
Қорытынды. Маркетингтік зерттеулер жүргізу негізінде, қабынуға қарсы әсер ететін қатты дәрілік қалыптар өнімдеріне деген сұраныс үнемі өсіп келеді деген қорытынды жасауға болады, импортталатын препараттар GMP сертификатын алу, отандық басым компаниясы Қазақстан Республикасының аумағында ғана емес сонымен қатар жақын және алыс шет елдерде, өнімді сатуға мүмкіндік береді.
Тиісті инженерлік тәжірибенің әдістері жобаларды жүзеге асыру және реттеуші талаптарға сәйкестігі кезінде, сонымен бірге оңтайлы және тиімді инженерлік шешімдерді қолдану арқылы «ПАРИТЕТ» ЖШС қатты дәрілік қалыптар шығаратын өндіріс орнын қайта жабдықтау жоғары сапаға қол жеткізуге мүмкіндік беретін тиімді құрал болып саналады.