Аннотация. Ауыр жедел респираторлық синдром коронавирусынан (SARS-CoV-2) туындаған COVID-19 пандемиясы, барлық дамыған мемлекеттердің денсаулық сақтау саласында үлкен сынақ болып табылады [1]. COVID-19 клиникалық көрінісі мен нәтижесін анықтайтын фактордың бірі-науқастың жасы. Алғашында бұл ауру балаларда жеңіл түрде өтеді және өлімге алып келмейді деген пікір қалыптасты. Алайда соңғы деректерге сүйенсек COVID- 19 - ды жұқтырған балаларда патологиялық даму байқалған [2]. Осы жыл басынан бері Қазақстанда жұқпалы ауруды жұқтырғандар саны 22 мыңнан, пандемия басталғаннан бері 40 мыңнан асқан . Оның ішінде 180 жаңа туған нәресте: 26 мыңы симптомды және 14 мыңы симптомсыз. Статистикаға сүйенсек елде ауырған балалардың саны, дертті жұқтырғандармен пропорционалды. Және ай сайын дәлізде жатқандармен 7,7% - дан 10,7% - ға дейінгі тіркелген жағдаймен теңереді [3]. Осыған байланысты COVID-19 дертін жұқтырған балаларды емдеу үшін дәрі-дәрмектер нарығында маркетингтік талдау жасау бүгінгі күннің өзекті мәселесі болып тұр.
Кілт сөздер: COVID-19, маркетингтік талдау, педиатрия.
Біздің зерттеудің мақсаты Қазақстанда COVID-19 жұқтырған балаларды емдеу үшін дәрілік препараттардың ұлттық нарығында маркетингтік талдау жасау.
Диссертациялық зерттеуде көрсетілген мақсатқа жету үшін келесі міндеттер қойылған:
педиатриялық тәжірибеде COVID-19 фармакологиялық түзету проблемасының қазіргі жағдайы туралы
отандық және шетелдік деректерді талдау;
ұлттық нарықта ұсынылған COVID-19 дертін жұқтырған балаларды емдеуге арналған дәрілік
препараттардың ассортиментіне құрылымдық талдау жүргізу; аурухана сегментіндегі ұлттық нарық деректерін көрсететін маркетингтік ақпарат негізінде дәрілік препараттарды сатудың құрылымы мен көлемін анықтау;
DDD-әдіснамасын қолдана отырып, COVID-19 бар балаларды емдеуге арналған препараттарға деген
сұраныстың көлемін талдау;
Қазақстан Республикасында COVID-19 жұқтырған балаларды емдеу үшін дәрілік препараттарға ұлттық нарықта макроконтурасын салу және оның негізгі параметрлерін айқындау.
Біздің негізгі зерттеу объектіміз Қазақстанның фармацевтикалық нарығы. Зерттеу тақырыбы COVID-19 бар балаларға арналған дәрі-дәрмектер нарығының бүгінгі жағдайы. Белгіленген тапсырманы шешу бағытында математикалық-статистикалық әдістер, логикалық талдау, маркетингтік талдау, сондай-ақ динамикалы қатарлар, контент-талдау, жүйелеу, топтау, салыстыру жұмыстарын жүргіземіз.
Ақпаратты және зерттеу нәтижелерін өңдеу Microsoft Office (Word, Excel), IBM SPSS STATISTICS 24 стандартты қолданбалы бағдарламалардың көмегімен жүзеге асырылады.
Зерттеу нәтижесінде, Қазақстан Республикасында COVID-19 дертін жұқтырған балаларды емдеуге арналған дәрілік препараттардың ұлттық нарықта макроконтурын және оның негізгі параметрлерін анықтауға мүмкін болады. Сонымен қоса зерттеу аяқталған бойда COVID -19 жұқтырған балаларды тиісті дәрі-дәрмектермен қамтамасыз ету жұмыстары ұсыныс түрінде жүргізіледі. Осы жұмыстардың нәтижесін ғылыми журналдарда, ғылыми форумдық материалдарда жариялау жоспарда бар.
Осылайша жүргізілген зерттеу нәтижелері ғылыми жобаларда және білім беру ұйымдарының ғылыми қызметінде, сондай-ақ денсаулық сақтау саласының практикасында пайдаланылатын болады.
Әдебиеттер
Министерство здравоохранения Российской Федерации. Методические рекомендации: Особенности клинических проявлений и лечения заболевания, вызванного новой коронавирусной инфекцией (COVID-19) у детей. Версия 2 (03.07.2020).
Намазова-- Баранова Л.С., Баранов А.А. COVID-19 и дети Доступна: https://doi.org/10.18093/0869-0189- 2020-30-5-609-628
Статистика Министерства Здравоохранения РК https://www.coronavirus2020.kz/