Бекітілген контингент арасында жүргізілетін профилактикалық медициналық тексеру, диспансерлік есепке алу, алғашқы мүгедектікке шығу, алғашқы аурушаңдық көрсеткіштері динамикада көрсетілген. Сонымен қатар, жыл бойы санитарлық-ағарту жұмыстары жүргізілген.
Қызылорда облыстық ішкі істер Департаменті медицина қызметінің емханасы 2010 жылы емдеу-профилактикалық сәйкестігін дәлелдеп, Қазақстан Республикасы Денсаулық сақтау министрлігінің 14.10.2010 жылғы №554 бұйрығымен 4 жылдық мерзімге аккредиттелді (№Z000278 аккредиттеу туралы куәлік).
Облыс бойынша емханаға медициналық қызметке бекітілген контингент -ішкі істер органдарының, төтенше жағдайлар министрлігінің, қылмыстық атқару жүйесінің және қаржы полициясының қызметкерлері, олардың отбасы мүшелері және осы салаларда қызмет атқарған зейнеткерлер.
Профилактикалық медициналық тексеру түрлі созылмалы аурулардың алдын алу, дер кезінде оларды анықтап сауықтыру барысындағы емдеу мекемесінің басты жұмыстарының бірі. Жыл бойы облыстық ішкі істер Департаментінің емханасы бойынша профилактикалық медициналық тексеруден облыстық ішкі істер Департаментінің, ішкі әскердің, төтенше жағдайлар министрлігінің, қылмыстық атқару жүйесінің және қаржы полициясының барлық қызметкерлері медициналық тексеруден өткізіледі. Тексеру барысында барлық тексерілген контингенттерден анықталған созылмалы аурулармен ауыратындар тереңдетіліп тексеріліп, қажет болған жағдайда диспансерлік есепке алынып, сауықтырылады.
2011 жылда диспансерлік есепке ішкі істер органдарының жеке құрамынан түрлі созылмалы аурулар анықталған адамдар алынса, оның ішінде 30% профилактикалық тексеру барысында анықталғандар.
Тексеру барысында емхана бойынша ҚР Ішкі істер министрлігінің 2009 жылғы №74 бұйрығына сәйкес ақпанқараша айларында дәрігерлердің жұмысын бағалау мақсатында әр дәрігерден 20 картадан тексерілді. Оның қорытындысы бойынша облыстық ішкі істер Департаментінің жеке құрамына көрсетілетін медициналық көмек сапасының деңгейі орташадан жоғары деп бағаланды.
Жеке құраманың Қызылорда қаласы гарнизоны бойынша аурушаңдық көрсеткіштеріне тоқталатын болсақ, жыл бойы жеке құрам арасында 1616 аурушаңдық жағдайы тіркелген, оның 1177 алғашқы рет анықталған аурулар. Жалпы аурушаңдық көрсеткіші жеке құрам бойынша 729,9 болып, өсімі 3,6% құрады. Ал алғашқы аурушаңдық көрсеткіші 530,6 болып, өсімі 4,4% құрады (2010 жылы жалпы аурушаңдық көрсеткіші 757,14, ал алғашқы аурушаңдық көрсеткіші 555,08 құраған болатын).
Қызылорда гарнизоны бойынша еңбекке жарамсыздық көрсеткіштері жыл бойы жеке құрам арасында 1115 жағдай болса, жалпы еңбекке жарамсыздық күні 11038 құраған, әр жағдайдың орташа ұзақтығы 9,89 күн. Еңбекке жарамсыздықтың санын 100 қызметкерге шаққанда 50,36 (2010 жыл 52,6) құрады (өсімі -4,2%). Еңбекке жарамсыздық күндерін 100 қызметкерге шаққанда 498,5 (2010 жыл 532,25) құрады (өсімі 5,4%). Еңбекке жарамсыздық пайызы 1,37% (2010 жыл 1,45%) өсімі 5,1%.
Облыста ведомстволық госпиталь болмағандықтан, жыл бойы біздің науқастар Денсаулық сақтау министрлігінің жергілікті емдеу ұйымдарында стационарлық ем қабылдайды, олардың 54% госпитализация бюросы арқылы жоспарлы түрде жолданғандар.
Қызылорда облысы ішкі істер Департаментінің ішкі істер органдарының арнайы атағы бар жеке құрам бойынша 5 қызметкер, оның ішінде 3 қызметкер жол-көлік апатынан алынған жарақаттардан, екеуі жүрек-қан тамыры ауруларынан қайтыс болды.
2011 жылда тікелей емханаға бекітілген арнайы атағы бар қызметкерлер арасында алғашқы мүгедектікке шыққандар тіркелген жоқ.
Рентгенофлюорографиялық тексеру туберкулез және басқа созылмалы өкпе ауруларын анықтауда қажет болғандықтан, жыл бойы барлық арнайы атағы бар қызметкерлер рентгенологиялық тексеруден, ал 97% флюорографиялық тексеруден өткен.
2011 жылда облыстық ішкі істер Департаменті медициналық мекемелерінің қызметкерлеріне Денсаулық сақтау министрлігінің жергілікті арнайы мекемелері мамандарының қатысуымен маңызды тақырыптарға 4 бірлескен семинар-сабақтар өткізілді: Атап айтар болсақ:
- «Аса қауіпті аурулардың алдын алу, ауру анықталғанда жургізілетін шаралар» облыстық обаға қарсы күресу станциясының және обылыстық санитарлықэпидемиолгялық қадағалау басқармасы аса кауіпті аурулар бөлімінің қызметкерлерінің қатысуымен.
- «Туберкулез ауруының алдын алу мәселелері және ДОТС бағдарламасының қазіргі кездегі ерекшеліктері» оыблыстық туберкулез диспансері қызметкерлерінің қатысуымен.
- «Жедел ішек ауруларының алдын алу, анықтау және емдеу, ауру анықталғанда жүргізілетін шаралар» облыстық жұқпалы аурулар ауруханасы қызметкерлерінің қатысуымен.
- «ЖИТС/АИТВ (СПИД/ВИЧ) ауруының алдын алу» ЖҚТБ – ның алдын алу және күресу облыстық орталығының қызметкерлерінің қатысуымен.
Сонымен, жыл бойы жеке құраманың арасында түрлі маңызды тақырыптарға лекциялар оқылды, оның ішінде 15% салауатты өмір салтын қалыптастыру орталығының қызметкерлерімен бірлесіп өткізілді. Қазақстан Республикасы денсаулық сақтау министрлігінің жергілікті денсаулық сақтау органдарымен бірге бірнеше санитарлық-ағарту акцияларына жүргізілді.