Тарих

Мақалада «найман» руы шығуының қысқаша тарихы бейнеленген. Наймандардың Қазақ хандығының қалыптасуы мен дамуындағы тарихи рөлін жалпылауға арналған отандық жəне шетелдік бірқатар ғалымдардың ғылыми зерттемелері талданған. Наймандар тайпасының жекелеген ру ішілік бөлімшелері тыңғылықты зерттелген. Негізінен географиялық қоныстанудан туындайтын наймандардың төрт ру ішілік бөлімшелері жекеленіп қарастырылған. Қазақ халқының белгілі тағдырында ерекше рөл атқарған, «найман» руынан шыққан көрнекті тарихи тұлғалардың өмірбаяндарына көңіл бөлінген.
2014

Мақалада ғаламдану кезеңіндегі ұлттық мəдениеттің даму жағдайына жəне ғаламданудың ұлттық мəдениетке тигізетін ықпалына талдау жасалынды. Соңғы кезеңдегі ғаламдық үрдістер адамзат өмірінің барлық салаларына деңгейлеп еніп, мəдени өміріне де ықпал жасап отыр. Осы орайда ұлттық мəдениетті сақтап, ары қарай дамыту, халықтың ұлттық құндылықтарын сақтап қалу бүгінгі таңның өзекті мəселесіне айналып отырғаны шындық. Қоғамның ғаламдануы негізінде құндылық, мəдениет, мораль салаларында түбегейлі өзгерістер жүреді. Ал бұл өз кезегінде барлық мемлекеттің қауіпсіздік мəселесіне қауіп төндіріп отырған күн тəртібіндегі өзекті мəселе.
2014

Мақалада ғылым жəне тəжірибедегі отбасы үлгісіндегі балалар үйі тəрбиеленушілерінің мəдени-тынығу қызметі арқылы əлеуметтік бейімделуінің мазмұны мен маңызы қарастырылды. Отбасы үлгісіндегі балалар үйі тəрбиеленушілерінің əлеуметтік бейімделу үрдісінің талаптары, түрі, əдісі жəне жаңартылу құралдары қамтылған. Осы тақырыптың теориялық тұсын қарастырған бірқатар ғалымдардың пікірлері баяндалды. Ата-ана қамқорынсыз қалған балаларды əлеуметтік бейімдеу кезінде əлеуметтік-мəдени саланың ең тиімді түрлері анықталды. Мəдени-тынығу жұмысының мазмұны, сонымен қатар балалар мен жасөспірімдердің, отбасы үлгісіндегі балалар үйі тəрбиеленушілерінің нақты социум жағдайындағы білім алуы, тəрбиесі, дамуы мен өзін-өзі жетілдіру сұрақтарының мəні ашылды.
2014
Әлеуметтік педагогика Тәрбие Отбасы Әлеуметтік жұмыс

Мақалада тəуелсіздік қазақ халқының төл санасының қайта жаңғыруының мүмкіндігі ретінде анықталған. Отарлаушылардың қазақтың ұлттық санасын, болмысын жоюға бағытталған əр түрлі əрекеттері нəтижесінде ұлттық рухтың құлдырауға ұшырағаны да баса көрсетілген. Авторлардың ойынша, қазақ халқы тəуелсіздігін алғаннан кейінгі кездегі ұлттық рухтың қайта жаңғыруына қазақтың халқының қалыптасуынан бастап осы кезге дейінгі тарихын қайта зерделеу, мəдениетін, əдебиетін, данышпан ғұламаларын қайта тану əсер етуде.
2014

 Көрнекті қазақ ғалымы, республика археологтары ғылыми мектебінің негізін салушы академик Əлкей Марғұланның өмірі мен қызметі жалпыланған. Ол елдің жəне əлемнің ғылыми қоғамдастығына археология саласындағы көптеген еңбектерімен ғана белгілі болып қоймай, сондай-ақ айтулы этнограф, тарихшы, шығыстанушы болатын. Сонымен қатар оның қазақтың дəстүрлері, музыкасы жəне фольклоры, елдегі географиялық атаулар туралы белгілі еңбектердің авторы болып табылатындығы айтылған. Этнография, археология, антропология, тарих жəне өнертану саласында білгір ғалым болған осынау бірегей тұлғаның шығармашылық қызметін əрі қарай зерттеу қажеттігі туралы пікір айтылған.
2014

Мақалада Орта жүздегі іргелі тайпа — Қоңыраттар болып табылатыны дəлелденген. Қоңыраттар тарихы өзінің барлық ерекшеліктерімен жəне ешкімге ұқсамас өзіндік соқпақтарымен қазақ ұлтының тарихын толықтыратыны қарастырылған. Қоңыраттар бабаларының тармақталған тарихы теренде жатқаны көрсетілген. Тарихымызда зерттеле қоймаған «ақтаңдақ» мəселелер — Орта жүздегі ірі тайпалардың бірі — Қоңыраттардың этникалық тамыры, оның шежіре деректері, қазақ жерінде орналасуының себеп-салдары көптеген тың мəліметтер негізінде баяндалған.
2014

Мақалада автор қазіргі қоғамның өзекті мəселелерінің бірі — сыбайлас жемқорлық құбылысын қарастырды. Елдің ұлттық қауіпсіздігіне қауіп төндіретін сыбайлас жемқорлыққа қарсы саясатта жақсы нəтижеге қол жеткізе білген елдердің тəжірибесі зерттелді. Сыбайлас жемқорлықпен күрестегі əлемдік тəжірибені өз ерекшеліктерімізді ескере отырып, тиімді пайдалана білу туралы тұжырымдарды негіздеуге тырысты. Алдыңғы қатарлы дамыған елдер санатына қосылуды мақсат етіп отырған біздің ел үшін бұл саясатта нəтиже өте қажет.
2014

 Мақалада ҚР «Білім туралы» Заңында көрсетілген гуманистік басымдықты жүзеге асырудың психологиялық аспектілеріне тоқтала отырып, білім беру саласында қолданылған технократия жəне гуманизм парадигмаларына сипаттама берілді. Педагогикалық ғылымның өзекті мəселесі болып саналатын оқыту барысындағы педагогтың оқушымен субъект-субъектілі қарым-қатынас орнатудың психологиялық ерекшеліктері қарастырылды. Сонымен қатар білім берудегі тұлғаға бағдарланған гуманистік парадигманың А.Маслоудың «Гуманистік психология» теориясы бойынша берілетін өзін- өзі өзектендіру сияқты жоғары қажеттіліктерді қанағаттандыру жолдары мен өзара байланысы көрсетілген.
2014

Мақалада тақырып өзектілігі анықталып, қазіргі əйелдердің, оның ішінде қазақ əйелдерінің отбасындағы жəне қоғамдағы əлеуметтік мəртебесі мəселесіне психологиялық ғылыми-теориялық талдаулар жасалған. Сонымен қатар əйелдердің өзіндік психологиялық мінез-құлық таптаурындары сипатталды. Мақаланың зерттеу бөлімінде қала, ауыл жəне орыс отбасындағы əйелдердің əлеуметтік рөліне, тұлғалық қалыптасуына этностық жаңсақ нанымдардың əсер ету деңгейі мен тұлғаның мінез- құлық, жүріс-тұрыс, эмоционалды жай-күй аясы анықталған.
2014

«Керей» тайпасының Орта жүздің басқа тайпалары арасындағы тарихи рөлі жəне орны ашылып көрсетілген. Орта жүзге жататын «Керей» тайпасының жəне Кіші жүзге жататын «Керейт» тайпасының шығу тегі суреттелген. «Керей» тайпасының құрамына енетін əр түрлі қазақ руларының тарих сипаттамасы берілген. Өз халқының тарихында айрықша рөл атқарған осы тайпадан шыққан аса көрнекті тұлғаларға көңіл бөлінген.
2014

ХVІ ғасырда өмір сүріп қызмет атқарған қазақтың ғұлама ғалымы жəне биі Қадырғали Жалаиридің ғылыми жəне мемлекеттік қызметі суреттелген. Оның орта ғасырлардағы қазақ даласында орын алған тарихи оқиғаларды тұңғыш рет мемлекеттік тілде қорытып талқылаған басты шығармасына толық баға берілген. Қадырғали Жалаиридің жеке өмірін, ғылыми жəне мемлекеттік қызметін зерттеуге арналған отандық жəне шет елдік ғалымдардың еңбектері талданған
2014

Мақалада Алаш ұранды ұлт қайраткерлерінің тəуелсіздік мұратында атқарған саяси жəне рухани еңбектерінің тарихи сабақтастық тұрғысынан тарихи санада жаңарып жаңғыруының жолдары ХХ ғасырдың 40-жылдары кеңестік кезеңде Қарағанды қаласында құрылған ЕСЕП — Елін сүйген ерлер партиясы негізінде қарастырылды. ЕСЕП өз кезегінде қалыптасу, даму, шарықтау кезеңдерін өткеріп, тарихи сабақтастық арқылы Алаш ұлт зиялыларының идеясынан туындаған Қарағандыда  «Елін сүйген ерлер партиясы», Батыс Қазақстанда «Қазақ халқын қорғаушылар одағы», Мəскеудегі «Жас тұлпар», Керекудегі «Жас ұлан», Хасен Қожа-Ахмет құрмақ болған «Жас қазақ» секілді ұйымдармен жаңғырып жəне соңғы Желтоқсан көтерілісімен — Тəуелсіздікке қол жеткізу екендігі дəлелденді.
2014

Разделы знаний

Биология

Биология бөлімінде сіздер Қазақстанның ғылыми журналдарында жарияланған  ғылыми және тәжірибелі биология бойынша көптеген мақалалар мен баяндамаларды таба аласыздар.  Авторлар өздерінің жұмыстарында қазіргі билогияның негіздері, тарихы,  зерттеу бағыттары мен ғылыми зерттеулердің нәтжелері және биология ғылымының басқа да бөлімдері жайлы толық анықтама береді.

География

Математика

Медицина

Совокупность наук о болезнях, их лечении и предупреждении.

Педагогика

Бұл бөлімде сіздер педагогика пәні бойынша көптеген тақырыптарға арналған мақалалар мен баяндамаларды таба аласыз. Бұл мақалалар сіздерге түрлі педагогика жайлы ғылыми жұмыстарды жазуға бағыт-бағдар бере отырып, жаңа ғылыми ашылымдар мен тәжірибелік зерттеулердің нәтижелерін танып-білуге көмектеседі.

Психология

Психология бөлімінде психология пәні, міндеттері мен мақсаттары, психикалық құбылыстардың пайда болу заңдылықтары, психология бөлімінің тармақтары, психология ғылымының пайда болу тарихы, қалыптасуы және психологияның басқа да тақырыбындағы қызықты мақалаларды таба аласыздар. 

Социология

 Бұл бөлімде социология немесе әлеуметтану ғылымы жайлы, қоғамның қалыптасуы, жұмыс істеуі және даму заңдылықтары туралы мақалалар қарастырылған. 

Тарих

Бұл бөлімде сіздер тарих ғылымының түрлі тақырыбына жазылған көптеген ғылыми мақалаларды таба аласыздар. Бұл мақалалар сіздерге рефераттар мен баяндамаларды жазуға көмектеседі.

Техникалық ғылымдар

Мұнда келесідей ғылыми мақалалар жарияланады: физика-математикалық , химиялық, гелогия-минерология, техникалық және гуманитарлық ғылымдардың өзекті  мәселелері, ғылыми конференциялардың, семинарлардың материалдары, ғылыми-техникалық комиссияның қағидалары, техникалық білімнің мәселелері.

Филология

 Бұл бөлімде филология пәні жайлы, филологияның түрлі тақырыбына жазылған мақалалардың жиынтығы қарастырылған. 

Философия

Қазақстанның ғылыми журналдарында жарияланған  философия пәні бойынша ғылыми мақалалар. Бұл бөлімде қоғам тану жайлы көзқарастар, сонымен қатар қазақ халқының ұлы тұлғаларының философиялық көзқарастары келтірілген.

Халықаралық қатынастар

Халықаралық  қатынастар  бөлімінде сіздер Қазақстанның ғылыми журналдары мен жиынтықтарында жарияланған, мақалалар мен баяндамаларды табасыздар.  Авторлар өздерінің жұмыстарында халықаралық қатынастарды дамытудың жолдары мен оларды дамытудағы негізгі алғышарттарды қарастырады. Халықаралық экономикалық қатынастардың мемлекетті дамытудағы ролі мен маңызын ашып көрсетеді.  Мұнда сіздер халықаралық қатынастар, сыртқы экономикалық саясат тақырыбы бойынша көптеген материалдарды таба аласыздар.  

Экология

Экология

Экономика

Экономика бөлімінде сіздер Қазақстанның ғылыми журналдары мен жиынтықтарында жарияланған, мақалалар мен баяндамаларды табасыздар.  Авторлар өздерінің жұмыстарында материалдық игіліктерді өндіру, айырбастау, бөлу және тұтыну үрдісі кезінде адамдар арасында пайда болатын өндірістік қатынастарды дамытудың жолдарын қарастырады.  Мұнда сіздер экономика, экономикалық теория тақырыбы бойынша көптеген материалдарды таба аласыздар.  

Құқық

Құқық бөлімінде сіздер Қазақстанның ғылыми журналдары мен жиынтықтарында жарияланған, мақалалар мен баяндамаларды табасыздар.  Авторлар өздерінің жұмыстарында құқық туралы жалпы түсінікті ашады, құқықтық қоғамның қалыптасып дамуы жайлы және оның маңызын қарастырады. Мұнда сіздер құқық пәні тақырыбында жазылған көптеген материалдарды таба аласыздар.