Мақалада артериялық қан қысымының жоғарлауы кезінде тиімді әсер ететін дәрілік өсімдіктер туралы жазылған. Олардың организмге әсері мен қасиеттеріне сипаттама келтірілген.Соның ішінде спазмолитикалық, тыныштандырғыш және зәр айдағыш қасиеттерін ескеріп тұнба жасау туралы айтылған. Емдеу кезеңі 21 күн, 7 күндік демалыспен 3 айға созылады.
Клт сөздер: гипертензия, өсімдіктер: шайқурай, салаубас, қайың бүршіктері, түймедақ, әсерлер.
Гипертензиялық ауру қазіргі уақытта өте кең таралған. Ол артериялық қысымның жоғарылауымен сипатталады, бұл ішкі органдар мен зәр шығару, жүйке және жүрек-қантамыр жүйелерінің бұзылуына ықпал етеді. Гипертониялық ауру кезінде артериялық қысымның шегі 140/90 мм. сын. бағ. жетеді [1].
Фитотерапия қосымша емдеу әдісі ретінде дәрігермен тағайындалған негізгі емдеумен қатар қолданылады. Ең алдымен, аурудың нақты себебін анықтау қажет. Гипертонияны кешенді емдеу үшін спазмолитикалық, тыныштандыратын және диуретикалық әсері бар дәрілік шөптерден тұратын препараттарды қолдануға болады[2]. Барлық тұнбалар мен ерітінділер 3 апта бойы қабылданады, содан кейін бір апталық үзіліс жасалады. Фитотерапияның жалпы курсы кемінде 3 айды құрайды. Ең тиімді рецепт 4 түрлі фитотерапиялық препараттардан жасалған. Оларға: шайқурай, салаубас, түймедақ және қайың бүршіктері жатады. Құрамы келесідей:
Hyperici 1 шәй қасық,
Helichrysi arenarii sicci 1 шәй қасық,
Flores Chamomillae 1 шәй қасық
Gemmae Betulae 1 шәй қасық,
Aqua purificata 750 ml
M.D.S. Тұнбаны тамақтанудан жарты сағат бұрын күніне 2 рет қабылдау керек.
Түймедақ гүлдері қабынуға қарсы қасиетке ие – олар ішек микрофлорасын қалыпқа келтіреді, нәжісті тұрақтандырады. Бұл өсімдік тиімді адсорбент ретінде танылған – организмнен токсиндерді "жинайды" 92
және шығарып тастайды. Салаубас көбінесе өт қабының ауруларын емдеуде қолданылады. Ол бұлшықеттерді босаңсытады және өт шығаруды белсендіреді, өт тастарының пайда болуына жол бермейді. Салаубас иммундық жүйеге өте пайдалы әсер етеді. Шәйқурай ағзаға жан – жақты әсер етеді. Асқазан-ішек жолдарының жұмысын жақсартады, спазмолитикалық әсерге ие. Ең бастысы – шайқурай барлық мүшелерде қан айналымын арттырады. Түймедақпен бірге ол күшті микробқа қарсы әсерге ие және қабыну процестерін тоқтатуға мүмкіндік береді. Қайың бүршіктері авитаминоздың дамуына жол бермейді, организмдегі метаболикалық процестерді белсендіреді және токсиндердің тез шығарылуына ықпал етеді[3].
Салаубас, шәйқурай, қайың бүршіктері, түймедақ гүлдерінен жиналған жинақ организмге оңтайлы әсер етеді. Бастысы дайындау технологиясын дұрыс жүргізу және дұрыс қолдану.
Әдебиеттер
- Фармакогнозия. Дәрілік өсімдіктер.Оқу құралы;Мәскеу, 2016.97.
- Самылина И. А. Дәрілік өсімдіктер және азық-түлік өнімдері медицинада. Ғылым, Мәскеу,2015
- Муравьева Д. А. Фармакогнозия; Медицина - М.,2017.